الیکشن کمیشن 19ہزار امیدواراں دے کاغذات نامزدگی دی ڈیٹاانٹری داعمل منگل دی سویل 5 وجے پورا کر گھدا قومی اسمبلی دیاں 272 نشستاں تے 5488 امیدواروں کاغذات نامزدگی جمع کرائے، کاغذات نامزدگی دی جانچ پڑتال 19 جون تئیں جاری رہسی

اسلام آباد ۔ 12 جون (اے پی پی) الیکشن کمیشن کو ں آندے عام انتخابات سانگے 19ہزار توں ودھ امیدواراں دے کاغذات نامزدگی موصول تھے ہن جڈاں جو الیکشن کمیشن ساری رات امیدواراں دی ڈیٹاانٹری داعمل جاری رکھیا تے منگل دی سویل 5 وجے پورا کر گھدا ۔ الیکشن کمیشن ولوں جاری تفصیل دے مطابق قومی اسمبلی دیاں342 نشستاں تے براہ راست سمیت 272 نشستاں تے 5488 امیدواراں کاغذات نامزدگی جمع کرائے۔ پنجاب اچ ساریں توں ودھ 8987 امیدواراں کاغذات نامزدگی جمع کرائے، سندھ توں 4765، کے پی کے توں2928، بلوچستان توں 1675، فاٹا توں 345، اسلام آباددیاں ترائے نشستاں تے 93 امیدواراں ولوں کاغذات نامزدگی جمع کرائے گن۔ الیکشن کمیشن ولوں سارے امیدواراں دے کوائف دی انٹری دا عمل پورا کر گھدا گے جڈاں جو اے ڈیٹا جانچ پڑتال سانگے ایف بی آر، سٹیٹ بینک اتے نیب کوں وی پٹھ ڈتا گے تے وڈی تعداد اچ امیدواراں دے کوائف دی جانچ پڑتال انہاں اداریں ولوں پورے کرتے ایندی تفصیل الیکشن کمیشن کوں بھجو اڈتی گی اے ۔ کاغذات نامزدگی دی جانچ پڑتال 19 جون تئیں جاری رہسی۔