اسلام آباد ۔ 22 جون (اے پی پی) پاک بحریہ دے سربراہ ایڈمرل ظفر محمود عباسی آکھے جو پاک بحریہ مکمل طور تے چوکس تے مستعد ہے ،قومی مفادات بشمول سی پیک اتے گوادر دے تحفظ کیتے علاقائی سمندراں اچ آپنڑیں موجودگی مستقل طور تے برقرا ر رکھیندے ہوئے ہے۔ او پاکستان نیوی وار کالج لہور اچ پی این اسٹاف کورس دے شرکاءاتے استاداں نال خطاب کریندے پئے ہن ۔ پی این وار کالج لہور آمد اُتے کالج دے کمانڈنٹ ریئر ایڈمرل نوید احمد رضوی ایڈمرل ظفر محمود عباسی دا خیر مقدم کیتا۔ پاک بحریہ دے سربراہ آپنڑیں خطاب اچ تیزی نال تبدیل تھیندی سکیورٹی صورتحال اتے عالمی منظر نامے اُتے روشنی پاتی جتھاں وسائل دی جستجو اتے بالادستی دا حصول مسابقت دے رجحان اتے نویاں صف بندیاں کوں پیدا کریندا پئے ۔ انہاں دا بیا آکھنڑ ہئی جو پاکستان نیوی مکمل طور تے چوکس تے مستعد ہے اتے قومی مفادات بشمول سی پیک اتے گوادر دے تحفظ کیتے علاقائی سمندراں اچ آپنڑین موجودگی مستقل طور تے برقرا ر رکھے ہوئے ہے۔پاک بحریہ دے سربراہ حاضرین کوں پاک بحریہ دے وژن بارے تفصیل نال ڈسایا۔ ایں توں پہلے ، پاک بحریہ دے سربراہ ایڈمرل ظفر محمو د عباسی شہداءدی یادگار اُتے پھُل چڑھائے اتے فاتحہ خوانی کیتی۔
