اسلام آباد ۔ 14 جون (اے پی پی) نگران وزیراعظم جسٹس (ر) ناصر الملک وزارت قومی غذائی تحفظ کو ں ہدایت کیتی اے جو اوزراعت کو ں معیشت دا فعال شعبہ بنڑاونڑ اتے چھوٹے کاشتکاراں کوں سوکھ ڈیونڑکیتے جامع حکمت عملی بنڑا وے۔اسلام آباد اچ وزارت قومی غذائی تحفظ اچ اجلاس دی صدارت کریندے ہوئیں ملک دے زرعی شعبہ اتے ایں سانگے موجودہ چیلنجاں نال نمٹنڑ اتے غذائی تحفظ یقینی بنڑاونڑ کیتے وزارت اتے متعلقہ اداریاں دے مجموعی کردار اچ ودھارے دی ہدایت کیتی۔سیکرٹری قومی غذائی تحفظ و تحقیق اجلاس کوں ڈسایا جو زرعی شعبہ دا جی ڈی پی اچ 18.9 فیصد حصہ اے اتے ایندے نال مجموعی افرادی قوت دا 42.3 فیصد حصہ جڑیا ہویا اے، زرعی شعبہ دی شرح نمو گذریل سال 3.8 فیصد ریکارڈکیتی گئی جیہڑی پنج سالاں اچ اوسطاً 2.13 فیصد ہئی۔ انہاں قومی غذائی تحفظ پالیسی، غذائی تحفظ دے حصول، پائیدار غذائی پیداواری نظام دا ودھارے اتے غربت مکاونڑ سانگے اقدامات بارے وی ڈسایا۔وزیر اعظم زراعت دے ودھارے کیتے وزارت دے کردار دی تعریف کیتی ۔ انہاں گھٹ پیداوار،ودھ پیداواری لاگت، آبی قلت اتے ٹیکنالوجی منتقلی دے کمزور روابط جھین چلینجاں تے فوری توجہ ڈیونڑ دی ہدایت کیتی۔
