اسلام آباد ۔ 21 جون (اے پی پی) قائمقام صدر محمد صادق سنجرانی آکھے جو پاک چین اقتصادی راہداری(سی پیک) ملک بالخصوص بلوچستان اتے گودار دی اقتصادی ترقی سانگے بہوں اہمیت رکھیندے۔ا یہ گالھ انہاں نیشنل ڈیفنس یونیورسٹی( این ڈی یو) دی قومی سلامتی ورکشاپ دے 15 رکنی وفد نال گالھ بات کریندے ہوئیں آکھی۔ وفدسینیٹر میاں محمد عتیق شیخ اتے سینیٹر غوث محمد خان نیازی دی قیادت اچ خمیس کوں ایوان صدر اچ قائم مقام صدر نال ملاقات کیتی۔ ایوان صدرولوں جاری بیان مطابق ملاقات دوران ملک دی موجودہ سیاسی اتے اقتصادی صورتحال تے خیالیں دا تبادلہ کیتا گیا ۔ قائمقام صدرمحمد صادق سنجرانی آکھیا جو پاک چین اقتصادی راہداری(سی پیک) پورے ملک خاص طور تے بلوچستان اتے گودار دی اقتصادی ترقی سانگے بہوں اہمیت رکھیندے۔ انہاں آکھیا جوا یہ میگا پراجیکٹ آونڑ آلے دور اچ مکمل طور تے فعال تھی ویسی۔
