صدرمملکت ممنون حسین دی روس دے صدر ولادی میر پیوٹن نال ملاقات

چنگ ڈاﺅ ۔ 10 جون (اے پی پی)صدرمملکت ممنون حسین دی روس دے صدر ولادی میر پیوٹن نال چنگ ڈاﺅ سربراہ اجلاس دے موقع تے ملاقات کیتی۔ملاقات اچ ڈوہیں رہنماﺅاں ڈو پاسہ آپسی دلچسپی دے معاملے خصوصی علاقائی اتے عالمی معاملیاں تے گالھ مہاڑ کیتی۔ڈوہیں رہنماﺅاں اتفاق کیتا جو پاکستان اتے روس اچ ڈو پاسہ تعلقات مستحکم تھین اتے تجارت، توانائی، سیکیورٹی، ثقافت، تعلیم اتے عوامی سطح تے ربطے مستقبل اچ تعاون ودھاونڑ سانگے نویں راہواں دی نشاندگی وی کیتی گئی ۔ڈوہیں رہنماﺅاں ایں گالھ تے اتفاق کیتا جو ڈوہیں قوم اچ آپسی تجارت دے وسیع تر موقع موجود ہن اتے تجارتی حجم کوں ودھاونر اتے معاشی تعلقات اچ ودھارے سانگے رل تے کم کرنڑ تے اتفاق کیتا گئے ۔