دوشنبے ۔ 19 جون (اے پی پی)صدر مملکت ممنون حسین اتے تاجک صدر امام علی رحمانوف دوشنبے اچ ملاقات کیتی اے جیندے اچ ڈوطرفہ تجارت 50 کروڑ ڈالرتئیں ودھاونڑ، فضائی سروس دی بحالی اتے کاسا 1000 منصوبہ تیکھے مکمل کرنڑ تے اتفاق سودھا دہشت گردی و انتہاءپسندی توں نجات کیتے کٹھے کم کرنڑ دا عزم کیتا گئے۔ملاقات توں بعد مشترکہ پریس کانفرنس اچ صدر ممنون حسین دورہ دی دعوت ڈیونڑ تے تاجک صدر دا شکریہ ادا کیتا اتے پانڑی بارے عالمی کانفرنس کراونڑ تے تعریف کیتی۔انہان آکھیے جو انسانیت دی بھلائی کیتے اقدمات دنیا کیتے پر اثر اتے دیر پا ثابت تھیسن۔ انہاں ڈسایا جو ملاقات اچ توانائی، رسل و رسائل، تجارت اتے دفاع جھیں شعبیاں اچ تعاون تے گالھ مہار کیتی گئی اے جو ڈوہاں ملکاں وچال رل مل تے چلنڑ دے بہوں موقعے موجود ہین۔ انہاں علاقائی وحدت، باہمی تجارت ، رابطیاں دے ودھارے کیتے سڑک، ریل اتے ہوائی رستے کوں استعمال کرنڑ دی اہمیت تے وی زور ڈتا۔انہان آکھیا جو ساجھے داری ودھاونڑ کیتے نویں معاہدیاں اتے مفاہمتی یادداشتاں تے دستخط کیتے گین اتے عالمی دہشتگردی دے انسداد کیتے مشترکہ ورکنگ گروپ دے پہلے اجلاس اچ رل مل تے چلنڑ تے اتفاق کیتا گئے۔
