اسلام آباد ۔ 27 جون (اے پی پی) صدر مملکت ممنون حسین آکھے جو آسٹریا اتے آسٹریلیا اچ پاکستانی نوجواناں دی ہک وڈی تعداد تعلیم حاصل کریندی پئی ہے ، ایں بارے ڈوہائیں ملکاں دے نال تعاون اچ بئے ودھار ے دی لوڑ ہے ۔ انہاں اے گالھ بدھ کوں آسٹریا اتے آسٹریلیا کیتے پاکستان دے نامزد سفیراں منصور احمد خان اتے بابر امین نال گالھ مہاڑ کریندے ہوئیں آکھی۔ صدر ممنون حسین ڈوہائیں نامزد سفیراں کوں ہدایت کیتی جو او ڈوہائیں ملکاں دے نال تجارتی اتے کاروباری وفوددے دوریاں دے تبادلے دے پروگرام بنڑاون اتے ثقافتی تعاون اچ ودھارے سانگے کم کرن۔ انہاں آکھیا جو آسٹریا اتے آسٹریلیا اہم ملک ہن جنہاں دے نال پاکستان سارے شعبیاں اچ گانڈھا اتے تعاون اچ ودھاراچاہندے ۔ انہاں نامزد سفیراں کوں ہدایت کیتی جو ڈوہائیں ملکاں اچ پاکستان دا مثبت تاثر اجاگر کرنڑ اتے ملک اچ سیاحت دے فروغ سانگے انہاں ملکاں اچ حالات سازگار بنڑائے ونجن اتے ڈوہائیں ملکاں وچال تجارت اچ ودھارے سانگے نویں موقعے گولے ونجن۔
