لاہور ۔ 15 جون (اے پی پی) نگران وزیر اعلیٰ پنجاب حسن عسکری رضوی اے عزم دوہرائے جونگران حکومت فری اینڈ فیئر الیکشن کراونڑ کیتے چھیکڑی حد تئیں ویسی۔ او لاہور اچ چیف سیکرٹری پنجاب اتے آئی جی پنجاب کلیم امام نال ملاقات اچ الویندے پئے ہن۔ملاقات اچ آندے انتخابات کوں پر امن، شفاف اتے آزادانہ بنڑاونڑ کیتے صوبائی سطح تے اقدامات دے حوالے نال گالھ مہار کیری گئی۔ نگران وزیر اعلیٰ دا آکھنڑ ہا جو شفاف انتخابات کیتے سارے وسائل لیسوں،ایں سانگے صوبے دے سارے انتظامی اداریاں اتے افسران کوں پیشہ ورانہ کردار ادا کرنڑ دی لوڑھ اے۔ڈاکٹر حسن عسکری آکھیے جو عام انتخابات اچ ساریاں سیاسی جماعتاں کوں ہکو جھیں موقع ڈتے ویسن،میکون یقین اے جیکر تہاڈی کارکردگی چنگی ہوئی تاں کوئی وی تہاڈے تے گالھ نہ کر سگسی۔
