اسلام آباد ۔ 19 جون (اے پی پی) نگران وزیراعظم جسٹس (ر) ناصر الملک دی صدارت اچ پاکستان ریلویزدی کارکردگی بارے جائزہ اجلاس تھئے جیندے اچ وزیراعظم ریلویز دے مسائل تے قابو پاونڑ کیتے جامع حکمت عملی اپناونڑ دی ہدایت کیتی اے۔وزیراعظم آفس اچ تھیونڑ آلے اجلاس اچ وزیراعظم کوں ریلویز دے تنظیمی ڈھانچہ، ریل نیٹ ورک، محکمہ دی کارکردگی اتے ریلویز سیکٹر اچ نیشنل وژن 2025ءدے تحت مستقبل دی ترقیاتی حکمت عملی بارے ڈسایا گیا۔وزیراعظم کوں ریلویز دے نویں بزنس پلان ، مال بردار و مسافر ٹرانسپورٹ دے شعبہ اچ مختلف اقدامات تے وی بریفنگ ڈتی گئی۔ وزیر اعظم پاکستان ریلویز دی کارکردگی بالخصوص بزنس پلان دے تحت مختلف اقدامات دی تعریف کیتی۔انہاں پاکستان ریلویز دے بحالی اتے پائیداریت کیتے سمت کون درست قرار ڈیندے ہدایت کیتی جو آندی منتخب حکومت کوں مسلیاں تے قابو پاونڑ کیتے نویںحکمت عملی مرتب کر تے ڈتی ونجے۔
