اسلام آباد ۔ 6 جون (اے پی پی) نگران وفاقی کابینہ 6 فیصد دی شرح نمو تے اطمینان دا اظہارکریندے ہوئے ادائیگیاں اچ توازن، مالی و قرضیاںدی پائیداریت اتے سرکاری اداریاں دے انتظام کیتے عبوری کابینہ دے مینڈیٹ دے تحت فوری اقدامات دی لوڑھ اے۔ نگران وزیر اعظم جسٹس (ر) ناصر الملک دے زیر صدارت عبوری وفاقی کابینہ دے اجلاس اچ سیکرٹری داخلہ کابینہ کوں وفاقی وزارت داخلہ اتے ایندے نال رلیے محکمیاں دی کارکردگی تے تفصیلی بریفنگ ڈتی ،ملک دی داخلی سلامتی اتے امن و امان کوں یقینی بنڑاونڑ کیتے قانونی اتے انتظامی پالیسی اقدامات بارے کابینہ کوں ڈسایا۔انہاں عام انتخابات کیتے الیکشن کمیشن دا ہتھ ونڈاونڑ سانگے وی اقدامات ڈسائے۔ وزیر خزانہ و اقتصادی امور ڈاکٹر شمشاد اختر ملکی معیشت اتے مختلف اقتصادی اشاریاں بارے جائزہ پیش کیتا۔ نگران وزیر اعظم جسٹس (ر) ناصر الملک خزانہ ڈویژن کوں آندی منتخب حکومت کیتے فوری اقدامات، طویل المعیاد ڈھانچہ جاتی اصلاحاتی پیکج سانگے حکمت عملی بنڑاونڑ دی ہدایت کیتی۔
