وفاقی دارالحکومت سودھے ملک دے مختلف علاقیاں اچ اندھاری اتے کھمنڑ گاج نال مینہہ وس پئے، موسم خوشگوار تھی گیا

اسلام آباد ۔ 05 جون (اے پی پی) وفاقی دارالحکومت سودھے ملک دے مختلف علاقیاں اچ اندھاری اتے کھمنڑ گاج نال مینہہ وس پئے، موسم خوشگوار تھی گیا، شدید گرمی اتے بجلی دی اکھ مچولی توں تپیے لوکاں دے لتھے منہ کھل گین۔منگل کوں تریجھے پہر وفاقی دارالحکومت اسلام آباد، راولپنڈی سودھے ملک دے بالائی علاقیاں اچ کھمنڑ،گاجان اتے تیز ہوائیں نال تیز مینہہ وسیے جیندے نال موسم بہوں سوہنراں اتے کجھ ٹھڈا تھی گئے۔ ڈینہہ کون اسمان تے بدلاں اتے مٹی دی ملھار ہئی جیں شامی گجنڑ وسنڑ شروع کر ڈتے اتے تیز ہوا چلنڑ نال گرمی دا زور ترٹ گئے اتے محکمہ موسمیات سی پیش گوئی ٹھیک ثابت تھی گئی۔ڈوجھے پاسو مری اتے گلیات اچ نناواں تھئے جین پاروں موسم وی ٹھر پئے۔ آزاد کشمیر اتے بئے علاقیان اچ وی مینہہ تھئے۔