کوالالمپور ۔ 6 جون (اے پی پی) ویمنز ٹی ٹونٹی ایشیا کپ کرکٹ ٹورنامنٹ اچ ندا ڈار دی تباہ کن باﺅلنگ پاروں پاکستان سری لنکا کوں23رنز توں ہرا ڈتے۔ پاکستانی ٹیم پہلے کھیڈدے ہوئے مقرہ اوورزاچ 4 وکٹاں تے 136 رنز بنڑائن۔ کپتان بسمعہ معروف 60 رنز، ناہیدہ خان 38، جویریہ خان 13 منیبہ علی 5 اتے ندا ڈار 3 رنز بنڑا تے آﺅٹ تھئیں، نین عابدی 7 رنزبنڑا تے ناٹ آﺅٹ رہین۔جواب اچ سری لنکن ویمن ٹیم مقررہ اوورزاچ 9 وکٹاں تے 113 رنز بنڑا سگی۔ مینڈس 25 اتے ہنسیکا 24 رنز بنڑائن۔ندا ڈار5 کھلاڑیاں کوں نشانہ بنڑائے۔ بسمعہ معروف اتے ناشرہ ہک ہک وکٹ گھدی۔ہک بئے میچ اچ بنگلہ دیش ویمن دفاعی چیمپئن بھارت ویمن کوں اپ سیٹ شکست ڈے دٹی جڈاں جو تھائی لینڈ ویمن میزبان ملائیشیا ویمن کوں 9 وکٹاں توں ہرائے۔
