ٹی ٹوئنٹی کرکٹ؛شعیب ملک ویرات کوہلی دا ودھ رنز دا ریکارڈ تروڑ ڈتے،ودھ چھکے مارنڑ آلے ڈوجھے پاکستانی بنڑ گئے

ایڈنبرگ ۔14 جون (اے پی پی)سٹار پاکستانی آل راﺅنڈر شعیب ملک ٹی ٹونٹی انٹرنیشنل کرکٹ اچ بھارتی بلے باز ویرات کوہلی دے ودھ رنز دا ریکارڈ تروڑ تے دنیا دے تریجھے کھیڈاڑی بنڑ گین۔ انہاں اے ریکارڈسکات لیند دے خلاف میچ اچ 22بالاں تے 5 چھکے اتے ہک چوکا مار تے 49 رنزبنڑاونڑ توں بعد تروڑیے اتے ہنڑ تئیں 1989 رنزبنڑا گھدن۔ویرات کوہلی 1983 رنزبنڑائے ہوئن۔شعیب ملک پاکستان ولوں 56چھکے مار تے عمر اکمل دا 55 چھکے دا وی ریکارڈ تروڑیے۔پاکستان ولوں 73چھکے دا ریکارڈ بوم بوم آفریدی کولوں اے۔