پاکستان بھارت دامقبوضہ کشمیر کوں ”اٹوٹ انگ“ قرار ڈیونڑ دا کوڑا دعوی مسترد کر ڈتے

اسلام آباد ۔ 14 جون (اے پی پی)پاکستان بھارت ولوں مقبوضہ کشمیر کوں ”اٹوٹ انگ“ قرار ڈیونڑ دا کوڑا دعوی مسترد کریندے ہوئے واضح کیتے جو جموں و کشمیر دی پوری ریاست ہک ”متنازعہ“ علاقہ اے جیندا ثبوت اقوام متحدہ دی سلامتی کونسل دیاں قرار داداں ہین۔ترجمان دفتر خارجہ ولوں آکھیا گئے جو جموں و کشمیر دی ”متنازعہ“ریاست دی حیثیت اقوام متحدہ دی سلامتی کونسل دیان قرار داداں اچ وی واضح کیتی گئی اے جیہڑیاں جموں و کشمیر اچ کشمیری عوام دی خواہش دے مطابق اقوام متحدہ دی نگرانی اچ شفاف،آزادانہ اتے منصفانہ استصواب رائے تے زور ڈیندن تاں جوکشمیریاں کون انہاں دا حق خود ارادیت ڈتا ونجے۔ ترجمان آکھیے جو آزادی کشمیر دی تحریک کوں دباونڑ کیتے بھارتی ظلم دی ہر سازش ناکام تھی ویسی،این سانگے بھارت کوں بلاجواز احتجاج اتے غیر قانونی، ناقابل عمل اتے بے بنیاد بیانات ڈیونڑ دی بجائے غیر قانونی تسلط مکاونڑ، عالمی ذمہ داریاں پوری کرنڑ اتے اقوام متحدہ دی سلامتی کونسل دیاںقرارداداں سانگے مسئلہ کشمیر دے فوری حل کیتے کم کرنڑان چاہیدے۔