پاکستان ریلوے دا چھوٹی عید تے بڈھڑے شہریاں کیتے وڈا اعلان، 65 سالا توں ودھ دے بڈھڑے عید دے پہلے اتے ڈوجھے ڈینہہ ریل گاڈی تے مفت سفر کر سگسن

لاہور۔11 جون(اے پی پی ) پاکستان ریلوے دا چھوٹی عید تے بڈھڑے شہریاں کیتے وڈا اعلان کر ڈتے جیندے مطابق 65 سالا توں ودھ دے بڈھڑے عید دے پہلے اتے ڈوجھے ڈینہہ ریل گاڈی تے مفت سفر کر سگسن۔وزیر ریلویز روشن خورشید بروچہ دی ہداےت تے پاکستان ریلویز سینئر سیٹیزن عید پیکج دا نوٹیفیکیشن جاری کیتے اتے ایں سانگے سارے ڈویژنل سپرنٹنڈنٹس کوں عملدرآمددا خط وی بھجوا ڈتے۔ترجمان ریلویز موجب شناختی کارڈ دی نقل تے ایڈوانس بکنگ اتے ای ٹکٹنگ وی مفت ہوسی اتے سفر دے دوران اوریجنل کمپیوٹرائزڈ شناختی کارڈ ڈکھاونر لازمی ہوسی جیندے بعد انہاں کوں بغیر کہیں کرایے دے ٹکٹ ڈتا ویسی۔پاکستان ریلوے مسافراں کوں عید دے پہلے اتے ڈوجھے ڈینہہ 30 فیصد رعایت دا پہلے ہی اعلان کر چکیے۔