راولپنڈی ۔ 20 جون (اے پی پی) پاک فوج دے سربراہ جنرل قمر جاوید باجوہ سرکاری دورہ تے پولینڈ پج گین جتھاں انہاں پولش نائب وزراءدفاع،چیف آف جنرل سٹاف ،کمانڈر آف پولینڈ آرمڈ فورسز اتے کمانڈر لینڈ فورسزنال ملاقاتاں کیتن۔ انہاں ملاقاتاں اچ ڈو طرفہ تعاون ،جیو سٹریٹجک ماحول اتے علاقائی سلامتی تے گالھ مہار کیتی گئی۔پاک فوج دے شعبہ تعلقات عامہ(آئی ایس پی آر) دے مطابق پولینڈ دی فوجی قیادت علاقائی سلامتی و استحکام کیتے پاکستانیاں دی قربانیاں منیندے ہوئے فوجی تربیت دے شعبے اچ تعاون کیتے خواہش کیتی۔پاک فوج دے سربراہ جنرل قمر جاوید باجوہ پولیس آرمامنٹ گروپ دا وی دورہ کیتا۔ جنرل قمر جاوید باجوہ کوں پولینڈ اچ جنرل کمانڈ آف دی پولش آرمڈ فورسز پجنڑ تے گاڈ آف آنر ڈتا گیا۔
