لاہور۔8جون(اے پی پی )پنجاب دے نگران وزیراعلی پروفیسر ڈاکٹر حسن عسکری رضوی گورنر ہاوس لاہوراچ اپنڑے عہدے دا حلف چا گھدے ،گورنرپنجاب ملک محمد رفیق رجوانہ انہاں توں عہدے دا حلف گھدا ،چیف سیکرٹری پنجاب تقرری دے متعلق نوٹیفیکیشن پڑھ تے سنڑایا ،حلف برداری دی اے پر وقار تقریب اچ سپیکر پنجاب اسمبلی رانا محمد اقبال خان، چیف سیکرٹری پنجاب کیپٹن (ر) زاہد سعید ،انسپکٹر جنرل پولیس کیپٹن (ر) عارف نواز، ائیر فورس دے ایئر کموڈور شعیب خان ،پاک نیوی دے کموڈور ڈاکٹر ایس ایم شہزاد ،صوبائی سیکرٹریز و بئے عمائدین دے علاوہ شعبہ صحافت نال تعلق رکھنڑ آلی شخصیات شرکت کیتی ۔ایندے توں پہلے گورنر پنجاب ملک محمد رفیق رجوانہ نال گورنرہاوس لاہور اچ پنجاب دے نگران وزیر اعلی پروفیسر ڈاکٹر حسن عسکری رضوی ملاقات کیتی،ملاقات دے دوران ملکی صورتحال وختی انتخابات کوں یقینی بنڑاونڑ تے بئے امور تے گال مہاڑ تھی ۔
