اسلام آباد ۔ 16 جون (اے پی پی)پورے ملک اچ عید الفطر قومی اتے مذہبی جوش و عقیدت نال منائی گئی، ایں سانگے ملک دے ہر چھوٹے وڈے شہر، دیہاتاں ، قصبیاں اتے وستیاں اچ مسیتاں، امام بارگاہیں اتے عید گاہیں اچ عید نماز پڑھی گئی، ملکی سلامتی اتے خوشحالی کیتے دعائیں منگیاں گین۔راولپنڈی اتے اسلام آباد اچ وی مختلف جاہیں تے عید نماز پڑھائی گئی جیندے اچ اسلام آباد دا سب توں وڈا اجتماع فیصل مسجد جڈاں جو راولپنڈی دے لیاقت باغ اچ تھئے۔فیصل مسجد اچ اعلیٰ حکومتی و انتظامی عہدیداراں اتے اسلامی ملکاں دے سفیراں عید نماز پڑھی۔
