اسلام آباد ۔ یکم جون (اے پی پی) چیئرمین سینٹ محمد صادق سنجرانی پاکستا ن تے ایران وچال ڈو پاسے رابطے کوں مزید ودھاونڑ سانگے پارلیمانی ، تجارتی و اقتصادی شعبیں اچ تعاون دی اہمیت تے زور ڈیندے ہوئیں پاکستانی تے ایران دے عوام دی ترقی تے خطے دی خوشھالی سانگے کوشاں ہن ۔انہاں آکھیا جو ڈوہیں ملکاں وچال تاریخی بنیاداں تے مذہبی ،ثقافتی تے سماجی ترقی مماثلت تے رکھیا ں گن جیرھا جو وقت گزرنڑ دے نال نال مزید مستحکم تھی گن ۔ چیئرمین سینٹ محمد صادق سنجرانی اے گال جمعے کوں پارلیمنٹ ہاﺅس اچ ایران دے سفیر مہدی ہنردوست دے نال ملاقات کریندے ہوئیں آکھی ۔ چیئرمین سینٹ آکھیا جو پاکستان ایران دے نال اپنڑے ڈو پاسے تعلقات کوں قدر دی نگاہ نال ڈیکھدے تے انہاں تعلقات کوں پارلیمانی رابطے دے ذریعے اگی تے ودھاونڑ دی گنجائش موجود اے۔ انہاں ڈوہیں مکاں وچال بین الاقوامی سطح تے تعاون دی تعریف کیتی تے آکھیا جو اجوکے سالاں اچ دفاعی سیکورٹی دے شعبے اچ سانجھے تعاون اچ مزید ودھارا ڈیکھنڑ اچ آئے۔ایران دے سفیر چیئرمین دی گال تے اتفاق کریندے ہوئیں سانجھے تعاون کوں مزیدودھاونڑ تے زور ڈتا تے پاک ایران تعلقات کوں مزید مستحکم کرنڑ سانگے اپنڑے تعاون دا یقین ڈوایا ۔
