اسلام آباد ۔ 27 جون (اے پی پی) چیئر مین سینٹ صادق سنجرانی ہزارہ جرنلسٹس ایسوسی ایشن دی نویںمنتخب قیادت کوں مبارخ ڈتی اے ۔بدھ کوں انہاں اپنڑے بیان اچ مبارخ پیش کریندے ہوئیں آکھیا جو نویںمنتخب صدر تیمور اقبال جدون’ جنرل سیکرٹری لقمان شاہ تے بئے ارکان تے باری ذمے واری عائد تھیندی اے او غیرجانبدارانہ صحافت دے ودھارے سانگے کردار ادا کرن تے پاکستان دا سافٹ امیج نشابر کرنڑ سانگے اپنڑیاں ساریاں کوششاں کوں استعمال اچ گھن آون ۔چیئر مین سینیٹ آکھیا جو صحافیاں دے مسلیں دے حل سانگے ایوان بالا اپنڑاں بھرپور کردار ادا کریسی ۔
