چیف الیکشن کمشنر دی اگوانڑی اچ الیکشن کمیشن اچ آندے عام انتخابات دی سیکورٹی سانگے اہم اجلاس

اسلام آباد ۔ 14 جون (اے پی پی) چیف الیکشن کمشنرجسٹس ریٹائرڈ سردار محمد رضا دی اگوانڑی اچ الیکشن کمیشن اچ آندے عام انتخابات دی سیکورٹی سانگے اہم اجلاس تھئے جیندے اچ فیصلہ کیتا گئے جو سیکیورٹی انتظامات 27جون توں 25جولائی تئیں مکمل کیتے ویسن،پولنگ سٹیشناں تے پاک فوج دے 20ہزار توں ودھ اہلکارسیکورٹی ڈیسن جڈاں جوسیکیورٹی عملہ مقررہ کوڈ آف کنڈکٹ دا پابند ہوسی۔اجلاس اچ فیصلہ کیتا گئے جو حساس 20ہزارپولنگ سٹیشناں تے سی سی ٹی وی کیمرے لائے ویسن،پنٹنگ پریس تے بیلٹ پیپرزدی چھپائی سخت سیکیورٹی اچ کیتی ویسی اتے عام انتخابات سانگے عید دے بعد الیکشن عملے دی تربیت ،الیکشن کمیشن دے دفاتر ،سیاسی قائدین دی سکیورٹی صوبائی حکومتاںدی ذمہ داری ہوسی۔ اجلاس اچ چارے صوبیاں دے چیف سیکرٹریزاتے آئی جی پولیس شریک تھین۔