اسلام آباد ۔ 29جولائی (اے پی پی) سول ایوی ایشن اتھارٹی پاکستان اچ ہوائی اڈیں دے آسے پاسے کچرے دے ڈھیراں کوں پرواز سانگے خطرہ قرار ڈیندے ہوئیں اپیل کیتی اے جو انہاں خطریں توں بچنڑ سانگے سول ایوی ایشن دا ساتھ ڈیون ،ہوائی اڈیں دے آسے پاسے صفائی کوں یقینی بنڑایا ونجے ۔سی اے اے ولوں جاری آگاہی مہم دے سلسلے اچ عوام کوں آکھیا گے جو او پورے ملک دے ہوائی اڈیں دے نیڑے صفائی کوں یقینی بنڑاون ۔کیو جو کچرے دے ڈھیر تے پکھی آندے ویندن جیں دی وجہ توں پروازاں کوں ودھ سارا خطرہ اے ۔