صدر مملکت ممنون حسین دی قومی کمیشن برائے انسانی ترقی دی چیئرپرسن رزینہ عالم خان نال گالھ بات

اسلام آباد ۔27 جولائی (اے پی پی)صدر مملکت ممنون حسین آکھے جو ملک اچ شرح خواندگی اچ ودھارے سانگے نیشنل کمیشن برائے ہیومن ڈویلپمنٹ (این سی ایچ ڈی) اہم کردار ادا کر یندا پئے ،جیندے نال سماج دے نظر انداز طبقہ کوں بااختیار بناونڑ سانگے مدد ملسی۔ صدر مملکت اے گالھ جمعہ کوں قومی کمیشن برائے انسانی ترقی دی چیئرپرسن رزینہ عالم خان نال گالھ بات کریندے ہوئیں آکھی۔انہاں آکھے جو ملک دے اکثرمسئلیاں دی وجہ خواندگی دی شرح اچ گھٹکی ہے جینکوں دور کرنڑ سانگے ضروری ہے جو تریمتیں کوں مرکزی دھارے اچ گھن آیا ونجے تاں جو معاشرہ ترقی کر سگے اتے تریمتیں اچ تعلیم دی شرح اچ ودھار کیتا ونج جا سگے ۔ انہاں آکھیا جو تعلیم دے فروغ سانگے بالاں کوںسکول بھیجنڑ سانگے ودھ توں ودھ اقدامات کیتے ونجنڑ۔ صدرمملکت قومی کمیشن برائے انسانی ترقی دیاں کوششاں دی تعریف کیتی اتے وژن 2025ءاتے پائیدار ترقی دے ہدف کوں کامیاب بنا ونڑ تے زور ڈتے۔