قومی احتساب بیورو دے چئیرمین جسٹس (ر) جاوید اقبال دی صدارت اچ نیب دا اجلاس

اسلام آباد ۔ 26جولائی (اے پی پی)قومی احتساب بیورو دے چئیرمین جسٹس (ر) جاوید اقبال دی صدارت اچ نیب دا اجلاس نیب دے مرکزی دفتر اسلام آباد اچ تھئے ۔ اجلاس اچ ڈپٹی چئیرمین نیب ، پراسیکیوٹر جنرل اکاو ¿نٹبلیٹی دے علاوہ نیب دے اعلیٰ افسراں شرکت کیتی۔ اجلاس اچ سپریم کورٹ آف پاکستان اچ زیر سماعت نیب دے مختلف مقدمیاں اتے انہاں مقدمیاں اُتے سپریم کورٹ ولوں جاری کیتے گئے احکامات اُتے مکمل عمل درآمد دا جائزہ گھدا گئے ۔ چئیرمین نیب معزز سپریم کورٹ دے احکامات اُتے من و عن عمل درآمد سانگے ہک خصوصی کمیٹی بنڑاونڑ دا حکم ڈتا اتے ہدایت جاری کیتی جو عدالتی احکامات اُتے من و عن عمل درآمد یقینی بنڑایا ونجے اتے ایں بارے کئی کوتائی برداشت کائناں کیتی ویسی ۔ انہاں نیب دے آپریشن اتے پراسکیوشن ڈویثرنز کو ں مکمل ہم آہنگی، پوری محنت دے نال نال ٹھوس شواہد اتے قنون دے مطابق بدعنوانی دے ریفرنسز معزز احتساب عدالتاں اچ دائر کرنڑ دے علاوہ موثر پیروی کرنڑ دی ہدایت کیتی تانجو بدعنوان عناصر کوں قنون دے مطابق انصاف دے کٹہرے اچ کھڑا کرنڑ دے علاوہ بدعنوان عناصر توں قوم دی لُٹی گئی رقم برآمد کرتے قومی خزانے اچ جمع کروائی ونج سگسی ۔