پاکستان تحریک انصاف دے چیئرمین عمران خان مادرِ ملت فاطمہ جناح کوں انہاں دے جمنڑیں دے ڈینھ دے موقع تے خراج عقید پیش کیتا

اسلام آباد ۔ 31جولائی (اے پی پی) پاکستان تحریک انصاف دے چیئرمین عمران خان مادرِ ملت فاطمہ جناح دے 125 ویںجمنڑیں دے ڈینھ دے موقع تے انھاں کوں خراج عقیدت پیش کریندے ہوئیں آکھیے جو مادر ملت دا تحریک پاکستان دوران لازوال کردار مینارہ نور بنڑیا،ا و برصغیر دی مسلمان تریمتاں سانگے بہترین نمونہ ہن۔ منگل کوں پی ٹی آئی دے مرکزی میڈیا ڈیپارٹمنٹ توںجاری بیان مطابق عمران خان آکھیے جو راست بازی، اصولاں نال محبت اتے نصب العین نال پیار مادرِ ملت دی شخصیت دے بنیادی ستون ہن۔ پاک و ہند اچ تریمتیں کوں سیاست دے میدان اچ تحریک ڈیوانڑ اچ انھاں غیر معمولی کردار ادا کیتا۔عمران خان آکھیا جوقیام پاکستان دے بعد جمہوریت دی بقاءتے سلامتی دی ملک گیر تحریک اچ وی مادر ملت صف اول دی سپاہی بنڑیاں۔ انہاںآکھیا جو اللہ سائیں دی بارگاہ اچ مادر ملت دے درجات دی بلندی سانگے دعا کریندوں ۔