پاک بحریہ دے جہاز پی این ایس سیف دا اومان دی بندرگاہ مسقط دا دورہ

اسلام آباد ۔29 جولائی(اے پی پی)پاک بحریہ دے جہاز پی این ایس سیف اومان دی بندرگاہ مسقط دا دورہ کیتا ترجمان پاک بحریہ ولوں اتوار کوں جاری بیان دے مطابق پی این ایس سیف اِنہاں ڈینہاں خلیج عدن اتے جنوبی بحر احمر اچ ریجنل میری ٹائم سکیورٹی پٹرولز تے مامور ہے۔ ریجنل میری ٹائم سکیورٹی پٹرولز دا مقصد بین الاقوامی اتے قومی تجارتی جہاز رانی دے بحری رستیں کوں محفوظ بنڑاونڑا ں ہے ۔ ترجمان پا ک بحریہ دے مطابق پی این ایس سیف دے کمانڈنگ افیسر دی رائل اومانی بحریہ دے آفیسرز اتے بیاں عسکری شخصیات نال ملاقاتاں تھیاں ۔پاکستان دے سفیر ، عمانی نیوی دے افیسرز ،مختلف ملکاں دے سفیر عمانی تے پاکستانی کمیونٹی جہاز دا دورہ کیتا ۔ترجمان پا ک بحریہ ڈسایا جو پی این ایس سیف اتے رائل اومانی نیو ی دے جہازسانجھی مشق اچ حصہ گھنسن ۔