اسلام آباد ۔ 12 جولائی (اے پی پی)احتساب عدالت محمد نواز شریف دی العزیزیہ اسٹیل ملز ریفرنس بئی عدالت منتقل کرنڑ دی درخواست خارج کرڈتی اے۔احتساب عدالت اچ العزیزیہ ریفرنس دی سماعت ویلھے محمد نواز شریف دے وکیل خواجہ حارث ریفرنس بئی عدالت منتقل کرنڑ دی درخواست اچ موقف اختیار کیتا جو قانون دے مطابق ریفرنس بئی عدالت منتقل کیتا ونجنڑاں چاہیدے، جج محمد بشیر آکھیا جو او قانون دے مطابق فرد جرم عائد کرنر توں بعد ریفرنس منتقل نئیں کر سگدے، ایندا متعلقہ فورم ہائیکورٹ اے جیکر کہیں بئے صوبے ریفرنس منتقل کرنڑے تاں تہاکون سپریم کورٹ نال رجوع کرنڑا پوسی۔سماعت دے دوران ڈپٹی پراسیکیوٹر نیب سردار مظفر عباسی ریفرنس بئی عدالت منتقل کرنڑ دی مخالفت کیتی اتے جج کوں آکھیا جو فرد جرم تساں لائے اتے سارا کیس سنڑیے، ایں سانگے چنگاں ہوسی جو ریفرنس دی سماعت تساں ہی جاری رکھو۔عدالت العزیزیہ ریفرنس دی سماعت منگل تئین ملتوی کریندے ہوئیں ریفرنس منتقل کرنڑ دی درخواست خارج کرڈتی۔
