اسلام آباد ہائیکورٹ حلقہ این اے 60 راولپنڈی اچ انتخابات ملتوی تھیونڑ دے خلاف درخواست تے الیکشن کمیشن کوں نوٹس جاری کر ڈتے

اسلام آباد ۔ 23 جولائی (اے پی پی) اسلام آباد ہائیکورٹ حلقہ این اے 60 راولپنڈی اچ انتخابات ملتوی تھیونڑ دے خلاف درخواست تے الیکشن کمیشن کوں نوٹس جاری کریندے ہوئیں سماعت اج منگل تئین ملتوی کرڈتی اے۔عدالت عالیہ دے جسٹس عامر فاروق پاکستان پیپلزپارٹی دے امیدوار مختار عباس دی درخواست تے سماعت کیتی۔ درخواست گزار دے وکیل نیاز اللہ نیازی ایڈوکیٹ موقف اختیارکیتے جو چھی مختلف حلقیاں اچ امیدوار نا اہل تھین بھل اتھاں الیکشن ملتوی نئیں تھیا۔فاضل جج پچھیا کیا بیلٹ پیپرز تے حنیف عباسی دا ناں چھپ گئے؟ وکیل آکھیا جو سکروٹنی دے بعد 8امیدوار انتخابات لڑدے پین۔جیندے تے عدالت الیکشن کمیشن کوں نوٹس جاری کریندے ہوئیں سماعت اج منگل تئین ملتوی کرڈتی ۔