اسلام آباد ۔ 6 جولائی (اے پی پی) سرحداں تے ریاستی امور (سیفران) دی نگران وفاقی وزیر روشن خورشید بھروچہ آکھیے جو آندے الیکشن آزادانہ ‘ منصفانہ اتے شفاف اندازاچ کراونڑسانگے سارے ضروری اقدامات کوں چھیکڑی شکل ڈتی ویندی پی ہے۔ ریڈیو پاکستان کوں ہک انٹرویو دوران انہاں آکھیا جومنصفانہ الیکشن کراونڑ نال ملک اچ جمہوری عمل مستحکم تھیسی۔ نگران وفاقی وزیرآکھیا جو ساریاں سیاسی جماعتاں کوں اپنڑیاںغلطیاں توں سکھنڑاں چاہیدے اتے ملک اچ جمہوریت دے استحکام سانگے آپس اچ ہک مٹھ تھیونڑ دی ضرورت ہے۔ انہاں توقع دا اظہار کیتے جو آندے الیکشن آزادانہ ‘ منصفانہ اتے شفاف تھیسن۔
