اسلام آباد ۔ 24 جولائی (اے پی پی) ایں ہفتے دے دوران راولپنڈی اسلام آباد سمیت ملک دے اُتلے علاقیاں اچ تیز ہوائیں اتے گرج چمک دے نال بئی بارش تھیسی ۔ محکمہ موسمیات دے مطابق مالاکنڈ، ہزارہ، مردان، پشاور، کوہاٹ، راولپنڈی، گوجرانوالہ، لاہور،سرگودہا ڈویژن، اسلام آباد اتے کشمیر اچ کتھائیں کتھائیں تیز ہوائیں اتے گرج چمک دے نال بارش دی پیشنگوئی کیتی گئی ہے ۔ ایں دوران خیبرپختونخوا (بنوں، ڈی آئی خان ڈویژن)، پنجاب (فیصل آباد، ساہیوال، ملتان، ڈی جی خان، بہاولپور ڈویژن)، بلوچستان (ژوب، قلات ڈویژن) اتے گلگت بلتستان اچ کجھ جائیں اُتے تیز ہوائیں اتے گرج چمک دے نال بارش دا امکان ہے۔ خمیس توں چھننڑ دے دوران ہزارہ، مالاکنڈ، پشاور، کوہاٹ، راولپنڈی، گوجرانوالہ، لاہور ڈویژن، اسلام آباد اتے کشمیر اچ کجھ جاہیں اُتے موسلادھار بارش دا وی امکان ہے۔ (اج) بدھ کوں اُتلے پنجاب( راولپنڈی، گوجرانوالہ، لاہور، سرگودھا ڈویژن)، اسلام آباد، مالاکنڈ، ہزارہ، پشاور، کوہاٹ، مردان ڈویژن اتے کشمیر اچ کجھ جاہیں جڈانجو بنوں، ڈی آئی خان، ژوب ڈویژن اتے گلگت بلتستان اچ کجھ جاہیں اُتے تیز ہوائیں اتے گرج چمک دے نال بئی بارش دا امکان ہے جڈانجو ملک دے بئے علاقیاں اچ موسم گرم اتے مرطوب راہسی ۔ گزریل 24گھنٹیاں اچ ساریاں توں ودھ بارش سیالکوٹ (کینٹ20، ائیرپورٹ02)، بہاولپور (سٹی40، ائیرپورٹ02)، لاہور (پنجاب یونیورسٹی25، سٹی04، ائیرپورٹ02)، اسلام آباد (نیوائیرپورٹ24، گولڑہ22، سیدپور10، زیروپوائنٹ04، بوکرہ03)، بھکر 19 ، قصور 14، سرگودہا (ائیرپورٹ12، سٹی08)، مری12، جہلم11، چکوال 07 ، منگلا06، راولپنڈی (چکلالہ05، شمس آباد03)، گوجرانوالہ04 ، منڈی بہاﺅالدین02، اوکاڑہ ایک، راولاکوٹ31 ، گڑھی دوپٹہ27، مظفرآباد18، بالاکوٹ27،کوہاٹ، دیر، پٹن03، لوئر دیر02، چراٹ ایک، سبی18، بارکھان ایک، بگروٹ07، بونجی05، سکردو، چلاس، استور، ہنزہ 03 اتے گوپس اچ 2 ملی میٹر ریکارڈ کیتی گئی ۔
