بہبود آبادی دے کاز کوں اگی تے ودھاونڑ سانگے صوبیں دے کم دا ساتھ ڈیسوں وفاقی وزیرصحت شیخ محمد یوسف دا آبادی دے عالمی ڈینھ دے موقع تے تقریب نال خطاب

APP08-11 ISLAMABAD: July 11 – Federal Minister for National Health Services, Regulations and Coordination Muhammad Yusuf Sheikh addressing during a national event titled “Importance of Family Planning Reiterated” to commemorate World Population Day jointly organized by Ministry of National Health Services, Regulations and Coordination with the United Nations Population Fund (UNFPA). APP photo by Irshad Sheikh

اسلام آباد ۔ 11 جولائی (اے پی پی) نگران وفاقی وزیر نیشنل ہیلتھ سروسز، ریگولیشنز اینڈ کوآرڈینیشن شیخ محمد یوسف بہبود آبادی دے کاز کوں اگی تے ودھاونڑ دے سانگے صوبیں دے کم دا بھر پور ساتھ ڈیونڑ دے عزم دا اظہار کریندے ہوئیں آکھیے جو اساں پاپولیشن کمیشن آف پاکستان کو ں ولا فعال بنڑیندے پیوں تے ایں ضمن اچ نیشنل پاپولیشن پالیسی2017اچ شامل حوالہ دی شرائط اتے ڈھانچے دی ساخت تے نظر ثانی کیتی گی اے تے ایں پالیسی دے مطابق 5 ارب روپے دا خصوصی فنڈز قائم کرنڑ سانگے کاروائی کیتی ویندی پئی اے ۔انہاں اے گال آبادی دے عالمی ڈینھ دے موقع تے مقامی ہوٹل اچ منعقدہ تقریب نال خطاب کریندے ہوئیں آکھی جیں دا بنیادی اتے مرکزی موضوع ”خاندانی منصوبہ بندی انسانی حق ہے“ ہا۔ وفاقی وزیر قومی صحت آکھای جو 2017دی مردم شماری دے مطابق پاکستان دی آبادی 207.7 ملین تھی گی جیں نال پاکستان دنیا دے ودھ آبادی آلے ملکاں اچوں 5ویں نمبر تے ہے جڈاں جو شرح پیدائش وی زیادہ اے ۔وفاقی وزیر آکھیا جو پاکستان کئی بین الاقوامی عہد نامیں خصوصاً فیملی پلاننگ 2020ءدی اعلیٰ سطحی کانفرنس اتے پائیدار ترقی دے اہداف بارے دستخط کر رکھیے ہن تاں جو پاکستان دے انہاں اہداف دے حصول بارے اشارئیے بہتر کائنی کیوں جو پاکستان اچ زچہ بچہ دی شرح اموات ہک لکھ پیدا تھیونڑ آلے بالاں اچوں 170اے ۔