ترائے ملکی ٹی ٹوئنٹی سیریز، پاکستان میزبان زمبابوے کوں ہرا تے سیریز دے فائنل اچ پج گئے

Harare: Pakistan players celebrate taking the wicket of Zimbabwean captain Hamilton Masakadza during the T20 cricket match between Zimbabwe and Pakistan at Harare Sports Club, in Harare, Sunday, July 1, 2018. AP/PTI(AP7_1_2018_000153B)

ہرارے ۔ 4 جولائی (اے پی پی) پاکستان میزبان زمبابوے کوں ہراتے سہ فریقی ٹی ٹونٹی انٹرنیشنل کرکٹ سیریز دے فائنل اچ پج گئے۔پہلے کھیڈدے ہوئے زمبابوے دی ٹیم مقررہ اوورزاچ 4 وکٹاں دے نقصان تے 162 رنزبنڑائن ۔اوپنر سولومن مائرشاندار بلے بازی کریندے ہوئے 94 رنزبنڑائن اتے نروس نائنٹین دا شکار تھی تے حسین طلعت دے ہتھوں آوٹ تھین۔ موساکنڈا 33، زہوواﺅ 24 اتے کپتان ہملٹن مسکڈزا 2 رنز بنڑائن۔ ایلٹن چیگمبرا 5 رنزنال ناٹ آﺅٹ رہین۔ محمد عامر، فہیم اشرف، شاداب خان اتے حسین طلعت ہک ہک وکٹ گھدی۔جواب اچ پاکستان اے سکور 19.1 اوورزاچ 3 وکٹاں تے پورا کر گھدے۔حارث سہیل 16، فخر زمان 47،حسین طلعت 44 رنز بنڑا تے آوٹ تھین۔کپتان سرفراز احمد38 اتے شعیب ملک 12 رنز بنڑا تے ناٹ آﺅٹ رہین۔ کرس موفو، مسکڈزا اتے سولومن مائر ہک ہک وکٹ گھدی۔ سولومن مائر کوں مین آف دی میچ ڈتا گئے۔