اسلام آباد ۔ 3 جولائی (اے پی پی)وفاقی وزیر اطلاعات، نشریات، قومی تاریخ تے ادبی ورثہ بیرسٹر سید علی ظفر آکھیے جو تعلیم ہک طاقتور ہتھیار ہے جیں نال نہ صرف پاکستان بلکہ دنیا کوں وی بدالیا ونج سگدے ، دہشت گردی اتے آبی چیلنجز وانگوں تعلیم کوں وی چیلنج سمجھ تے ایں شعبے اچ کم کرنڑ دی ضرورت اے ، تعلیم ہی معاشرے کو ںترقی اتے ملک کوں خوشحالی دے رستے تے گھن تے ونج سگدی اے ۔اج دے بال تے نینگر کل ملک دی بھج دھرک سنبھالنڑیں ہے اساڈے بال تے نینگر باصلاحیت ہن، انہاں کوں درست سمت تے گھن ونجنڑ سانگے سانجھیاں کوششاں دی ضرورت اے ۔او منگل کوں نیشنل بک فاﺅنڈیشن اچ چلڈرن فری سمرکلب دی افتتاحی تقریب نال خطاب کر یندے پے ہن۔ وفاقی سیکرٹری قومی تاریخ و ادبی ورثہ انجینئر عامر حسن، ایم ڈی نیشنل بک فاﺅنڈیشن پروفیسر انعام الحق جاوید، ترکمانستان اتے کرغستان دے سفیراں، ممتاز اہل قلم اتے جاڑے شہراں دے مختلف تعلیمی اداریں دے طالب علماں دی وڈی تعداد شریک ہئی ۔ وفاقی وزیر اطلاعات ونشریات بیرسٹر سید علی ظفر آکھیا جو دل اچ پیار و محبت اتے دماغ تیز ہووے تاں ایندے نال تعلیم دے قلم کوں شامل کرو تاں بال تے تے نینگر سپر ہیروز بنڑ ویسن ایندے بعد کوئی وی طاقت اساکوں روک کائناں سگسی ۔انہاں آکھیا اج اساڈے سامنڑے جیرھے بال بیٹھے ہن انہاں دی درست تربیت ،انہاں دی کردار سازی کرتے عصر حاضر دی تعلیم ڈے تے انہاں کوں ہک مفید تے فعال شہری بنڑا سگدوں ۔انہاں آکھیا اساڈے تعلیمی ادارے بہتر انداز نال انجینئرز، سائنسدان، ڈاکٹرز، وکلاءاتے ہر شعبے دے ماہرین تیار کر سگسن انہاں ماہرین دی بدولت بہتر انداز اچ قوم دی خدمت تھی سگدی اے انہاں آکھیا تعلیم دے شعبے تے جتنی توجہ ڈیونڑدی ضرورت ہئی اتنی کائنی ڈتی گی۔ وفاقی وزیر سید علی ظفر آکھیا جو کتاب نال محبت اتے دلچسپی بہوں ضروری اے ۔
