اسلام آباد ۔ 30جولائی (اے پی پی) نگران وفاقی وزیر اطلاعات،نشریات ،قومی تاریخ تے ادبی ورثہ بیرسٹر سید علی ظفر ایسوسی ایٹڈ پریس آف پاکستان (اے پی پی ) ،پاکستان ٹیلی ویژن(پی ٹی وی)اتے ریڈیو پاکستان ولوں عام انتخابات 2018دی جامع اتے پیشہ وارانہ کوریج دی تعریف کیتی ہے ، ریاستی میڈیا انتخابی عمل کوں کامیاب بنڑاونڑ اچ آپ دا بھرپور کردار ادا کیتے ۔ او وزارت اطلاعات و نشریات دے اعلی افسراں اتے وزارت دے ماتحت اداریاں دے حکام دے اعزاز اچ ڈتے گئے ظہرانے نال خطا ب کریندے پئے ہن ۔ وفاقی وزیر سید علی ظفر آکھیا جو نگران حکومت کوں فرائض دی ادائیگی دے دوران ایسوسی ایٹڈ پریس آف پاکستان (اے پی پی ) ،پاکستان ٹیلی ویژن(پی ٹی وی) اتے ریڈیو پاکستان مکمل تعاون کیتے ۔ انہاں آکھیا جو ریاستی میڈیا غیر جانبداری نال معاشی سماجی ترقی دے اقدامات اتے مسلیاں کوں چنگے طریقے اجاگر کیتے۔ انہاں توقع ظاہر کیتی جو نویں منتخب تھیونڑآلی حکومت اداریاں کوں بیا مضبوط اتے مستحکم کریسی ۔ انہاں ڈسایا جو برطانونی ہائی کمشنر نال ملاقات دے دوران اے پی پی ،پی ٹی وی اتے ریڈیو پاکستان دی جدت اتے اپ گریڈیشن دے معاملے اُتے گالھ کیتی گئی ۔ برطانوی ہائی کمشنر ایں معاملے اُتے اگوہیں بارے یقین ڈیوایا ہے ۔
