اسلام آباد ۔ 30جولائی (اے پی پی) قومی احتساب بیورو راولپنڈی سابق وزیراعظم شوکت عزیز، سابق وفاقی وزیر پانڑیں تے بجلی لیاقت علی خان جتوئی، سابق سیکرٹری پانڑیں تے بجلی اسماعیل قریشی، سابق ایڈیشنل سیکرٹری پانڑیں تے بجلی یوسف میمن، سابق جوائنٹ سیکرٹری وزارت پانڑیں تے بجلی غلام نبی منگریو، سابق سیکشن افسر وزارت پانڑیں تے بجلی عمر فاروق، سابق چیئرمین متبادل توانائی ترقیاتی بورڈ (اے ای ڈی بی) ایئر مارشل (ر) شاہد حامد، سابق سیکرٹری اے ای ڈی بی ڈاکٹر نسیم اے خان، سابق ڈائریکٹر جنرل (پی پی) اے ای ڈی بی ڈاکٹر بشارت حسن بشیر دے خلاف احتساب عدالت اسلام آباداچ ریفرنس دائر کرڈتے ۔ اے ریفرنس بشارت حسن بشیر دی ایم پی 2 سکیل اچ کنسلٹنٹ دے طور تے غیر قنونی تقرری اُتے دائر کیتا گئے ۔ سنوار کوں نیب ولوں جاری کیتے گئے تفصیلات دے مطابق ملزمان طے شدہ قانون اتے ضابطے دے برخلاف ملی بھگت نال بشارت حسن بشیر کوں پچھلی تریخاں بموثر یکم جون 2006 کوں غیر قنونی طور تے ایم پی 2 سکیل اچ بطور کنسلٹنٹ بھرتی کیتا۔ مئی 2018ءاچ ملزم بشارت حسن بشیر آپنڑیں کنٹریکٹ دی مدت مکنڑ دے بعد کہیں توسیع، نوٹیفکیشن یا باقاعدہ تقرری دے بغیر تقریباً پجن سال کیتے عہدہ غیر قنونی طور تے آپ کولوں رکھیا۔ ایں دوارن ملزم اے ای ڈی بی فی انتظامیہ دی ملی بھگت نال تنخواہ اتے سارے بئے مراعات غیر قنونی طور تے گھند ا ریہاہئی ۔ بعد اچ سابق وزیراعظم شوکت عزیز، سابق وفاقی وزیر پانڑیں تے بجلی لیاقت علی خان جتوئی، سابق سیکرٹری پانڑیں تے بجلی اسماعیل قریشی، سابق چیئرمین متبادل توانائی ترقیاتی بورڈ (اے ای ڈی بی) ایئر مارشل (ر) شاہد حامد اتے بیاں آپنڑیں اختیارات دا غلط استعمال کریندے ہوئیں ڈاکٹر بشارت حسن بشیر کوں غیر قنونی طور تے اے ای ڈی بی اچ تقرر کیتا۔
