اسلام آباد ۔ 17 جولائی (اے پی پی) فریضہ حج دی ادائیگی سانگے سرکاری سکیم دے 5454 عازمین حجاز مقدس پج گن۔ براہ راست مدینہ منورہ پجنڑ آلے عازمین 8 ڈینھ قیام دے بعد مکہ مکرمہ روانہ تھی ویسن ۔ وزارت مذہبی امور دے ذرائع مطابق حج فلائٹ آپریشن اچ قومی ایئر لائن پی آئی اے، سعودی ایئر لائن اتے ایئر بلیو حصہ گھندی پئی اے ۔ ملک دے 9 شہراں اسلام آباد، لاہور، کراچی، کوئٹہ، پشاور، سکھر، ملتان، سیالکوٹ، فیصل آباد اتے رحیم یار خان توں عازمین حج کو ںحجاز مقدس پجاونڑ سانگے فلائٹ اپریشن جاری اے ۔ذرائع آکھیے جو ہنڑ تئیں حجاز مقدس روانہ تھیونڑ آلیاں کجھ پر وازاں کوں براہ راست جدہ روانہ کر ڈتا گے جتھوں عازمین عمرہ دی ادائیگی دے بعد مدینہ منورہ ویسن ۔ مدینہ منورہ اچ عازمین دے قیام تے طعام سانگے موثر انتظامات کیتے گن جیں دے تحت انہاں کوں مرکزیہ اچ تھری، فور اتے فائیو سٹار ہوٹلاں اچ رہندے پن جیں اچ 13 کیٹرنگ کمپنیاں دے ذریعے ترائے وقت دا اعلیٰ معیار دا ٹکر پانڑیں ڈتا ویندا پئے۔ایندے علاوہ مدینہ منورہ اچ عازمین کوں جنت البقیع، مسجد قبائ، مسجد قبلتین، مسجد جمعہ اتے شہدائے احد دی زیارات وی کرائی ویندی پئی اے ۔
