اسلام آباد ۔ 11 جولائی (اے پی پی)قومی کمیشن برائے پیشہ ورانہ تے تکنیکی تربیت (نیوٹیک) دے ایگزیکٹو ڈائریکٹر ذوالفقار احمد چیمہ آکھیا جو سیاسی جماعتاں فنی تربیت کوں آپنڑے منشور اچ پہلی ترجیح بنڑاونڑ،ملک دا مستقبل فنی تربیت نال جڑیا پئے ،10توں 12کروڑ نینگراں کوں مختلف ہنر دی تربیت ڈے کراہیں کارآمد شہری بنڑایا ونج سگدے،نینگراں کوں باعزت روزگار سانگے انسیٹیوٹ ای ہکو زریعہ ہن ۔او بدھ کوں نیوٹیک ہیڈ کوارٹرز اچ پریس بریفنگ توں خطاب کریندے پئے ہن ۔ایں موقع تے انہاں آکھیا جو پاکستان دی آبادی دا ہک وڈا حصہ نینگراں تے مشتمل اے ،انہاں نینگراں کوں تربیت ڈے کراہیں کارآمد شہری بنڑایا ونج سگدے،اتنی وڈی تعداد اچ نینگراں کوں سرمایہ شعبہ اچ روزگار ڈیونڑ حکومت سانگے ممکن کائنی ہوندا۔انہاں آکھیا جو ٹیوٹ سیکٹرکوں کوئی سپیشل پیکیج ڈتا ونجے،اے ملکی معیشت کوں مستحکم اتے غریبی مکاونڑ اچ مدد ڈیسی۔انہاں آکھیا جو سٹی اینڈ گلڈز،یو کے نیرک اتے ٹی اے ایف ای آسٹریلیا دے تعاون نال پاکستان سرٹیفکیٹ دا عالمی سطح تے منواونڑ دی کوششاں جاری ہن ۔انہاں آکھیا جو ربوٹکس، مصنوعی ذہانت، میکاٹرانکس، انڈسٹریل آٹو میشن، ریسٹورنٹ مینجمنٹ جیہے جدید ٹیکنالوجی دے کورس وی متعارف کروائے ویندے پئن ۔ایں موقع تے نیوٹک دے اعلیٰ حکام وی موجود ہن ۔
