بلاوایو ۔ 17 جولائی (اے پی پی) پاکستانی ٹیم دے سٹار آل راﺅنڈر شعیب ملک کو ں ون ڈے انٹرنیشنل کرکٹ اچ کیریئر دے 7 ہزار سکور پورے کرنڑ اچ بئے سکوراں دی لوڑ ہے ۔ ایں گالھ دی امید ہے جو او (اج) بدھ کوں زمبابوے دے خلاف شیڈول ریجھے ہک دینھ دے میچ اچ 7 ہزار سکور دا ہندسہ ٹپ ویسن ، جیکر شعیب کامیاب تھئے تاں او اے اعزاز حاصل کرنڑآلے اٹھویں پاکستانی بلے باز بنڑ ویسن ۔ شعیب ملک 263ہک ڈینھ دے میچاں اچ 9 سنچریاں دی مدد نال 6997 سکور بنڑا ئے ہوئے ہن ، پاکستان ولوں انضمام الحق 11701 سکور بنڑا تے ساریاں توں اگوں ہن ، محمد یوسف 9554 سکور بنڑا تے ڈوجھے ، سعید انور 8824 سکور بنڑا تے تریجھے ، شاہد آفریدی 8027 سکور بنڑا تے چوتھے، جاوید میانداد 7381 سکور بنڑا تے پنجویں ، یونس خان 7249 سکور بنڑا تے چھیویں اتے سلیم ملک 7170 سکوراں دے نال ستویں نمبر اُتے موجود ہن ۔
