کراچی ۔ 25 جولائی (اے پی پی) صدر مملکت ممنون حسین کوئٹہ اچ دہشت گردی دے واقعہ تے تشویش دا اظہار کریندے ہوئیں آکھیے جو قانون نافذ کرنڑ آلے ادارے شہریاں دے جان و مال اتے انتخابی عمل دی حفاظت کوں یقینی بنڑاون۔ ایوان صدر توں جاری بیان مطابق صدر ممنون آکھیے جو پوری قوم انتخابی عمل کوں کامیاب بنڑا اتے دہشت گرداں دے عزائم کوں ناکام بنڑا ڈیسی۔ انہاں دہشت گردی دے واقعہ اچ جاں بحق تھیونڑ آلے لوکاں دے درجات دی بلندی سانگے دعا کیتی اتے انہاں اہل خانہ نال ہمدردی دا اظہار وی کیتے۔ صدر مملکت سارے متعلقہ حکام کوں زخمیاں دے علاج دے حوالے نال ضروری سہولتاں ڈیونڑ دی وی ہدایت کیتی ہے۔
