اسلام آباد ۔ 5 جولائی (اے پی پی) صدر مملکت ممنون حسین آکھیے جو یونیورسٹیاں اتے بئے اعلیٰ تعلیمی ادارے ملک دی اقتصادی اتے انسانی وسائل دی ترقی اچ اہم کردار ادا کریندن، اعلیٰ تعلیمی میدان اچ ہائیر ایجوکیشن کمیشن دی کارکردگی قابل تعریف اے۔اے گالھ انہان ایوان صدر اسلام آباچ ملاقات کیتے آونڑ آلے سابق چیئرمین ہائر ایجوکیشن کمیشن ڈاکٹرمختار احمدنال الویندے آکھی۔ صدر مملکت ملک اچ اعلیٰ تعلیم دے حوالے نال ڈاکٹر مختاردی بطور چیئرمین ہائیر ایجوکیشن کمیشن خدمتاں دی تعریف کیتی۔ ایں موقع تے ڈاکٹرمختار احمد صدر مملکت کوں ہائیر ایجوکیشن کمیشن دی رپورٹ برائے 2013-17ءوی پیش کیتی۔
