طالبان کو ں مذاکرات دی میز تے گھن آونڑ پاکستان دی ذمے واری کائنی، بھارت سارک سمٹ دے انعقاد اچ رکاوٹ پیندا پئے ، ،ترجمان دفتر خارجہ

اسلام آباد ۔ 5 جولائی (اے پی پی) دفتر خارجہ دے ترجمان ڈاکٹر محمد فیصلآکھیے جو طالبان کو ںمذاکرات دی میز تے گھن آونڑ پاکستان دی ذمے واری کائنی،اقوام متحدہ اتے عالمی برادری کوںفلسطین تے کشمیر دے پرانڑیں جھیڑے تے خاموشی تروڑ ڈیونڑ دی ضرورت اے، بھارت سارک سمٹ دے انعقاد اچ رکاوٹ پیندا پئے۔پاکستان اتے روس وچال (دوستی)دے ناں تے سانجھیاں فوجی مشقاں اجوکے سال اکتوبر اچ تھیسن خمیس کوں ہفتہ وار پریس بریفنگ دے دوران صحافیاں دے مختلف سوالاں دا جواب ڈیندے ہوئیں ترجمان دفتر خارجہ آکھیا جو پاکستان افغانستان اچ امن و استحکام سانگے پر عزم ہے افغانستان اچ قیام امن سانگے افغان صدر اشرف غنی دے اقدامات ہن۔پاکستان افغانستان اچ قیام امن دی غرض نال سارے اقدامات دی پوری حمایت کریسی تاں جو طالبان کوں مذاکرات دی میز تے گھن آونڑ پاکستان دی ذمے واری کائنی سارے سٹیک ہولڈرز کو ں رل تے افغانستان اچ قیام امن سانگے سانجھے اقدامات کرنڑیں ہوسن ۔ہک سوال دا جواب ڈیندے ہوئیں انہاں آکھیا جو ایلس ویلز دا دورہ پاکستان مفید رہیا،اعلی حکام دے نال ملاقاتاں دے دوران ڈو پاسے تعلقات سمیت علاقائی و بین الاقوامی امور زیر بحث لاتے ویسن جڈاں جوپاکستان ایں موقع تے افغانستان اچ دہشت گرداں دے محفوظ ٹھکانڑیں دا معاملہ وی چاتے ۔کشمیر متعلق ہک سوال دا جواب ڈیندے ہوئیں ترجمان آکھیا جو اقوام متحدہ مقبوضہ کشمیر اچ انسانی حقوق دی صورتحال دے حوالے نال ہیومن رائٹس کونسل دی رپورٹ دی روشنی اچ تحقیقاتی کمیشن دے قیام تے وختی عمل در آمد کوں یقینی بنڑاوے ۔ترجمان آکھیا جو اقوام متحدہ تے عالمی برادری کوں کشمیر اتے فلسطین دے پرانڑیں جھیڑے تے خاموشی بھن ڈیونڑ دی ضرورت اے ۔ترجمان آکھیا جو حکومت پاکستان 471 بھارتی قیدیاں دی فہرست اسلام آباد اچ بھارتی کمیشن دے حوالے کیتی اے جیں اچ 53 سویلین اتے 418 ماہی گیر شامل ہن جڈاں جو بھارتی حکومت وی بھارتی جیلاں اچ قید پاکستانیاں دی فہرست نئی دہلی اچ پاکستانی ہائی کمیشن دے حوالے کیتی۔پاک روس تعلقات متعلق ہک سوال دا جواب ڈیندے ہوئیں ترجمان آکھیا جو پاک روس تعلقات تکھے بہتر تھیندے پن ۔ڈوہیں ملکاں وچال دروژبا(دوستی)دے ناں تے مشترکہ فوجی مشقاں اجوکے سال اکتوبر اچ تھیسن جڈاں جوانسداد دہشت گردی متعلق شنگھائی تعاون تنظیم دے رکن ملکاں وچال ”امن مشن 2018“ دے ناں توں سانجھی فوجی مشقاں روس دے علاقے اورال اچ ہوسن۔