اسلام آباد ۔ 27جولائی (اے پی پی) عام انتخابات اچ کامیاب تھیونڑ آلے امیدواراں ولوں انتخابی خرچے دی تفصیلات 10ڈینھ اچ جمع کراونڑ لازمی اے جیں دے بعد انہاں دی کامیابی دے نوٹیفکیشن جاری کیتے ویسن ۔ الیکشن کمیشن دے مطابق جیرھے امیدواراں دی کامیابی دے غیر حتمی غیر سرکاری نتیجے جاری کیتے گن انہاںسانگے ضروری اے جو انتخابی قانون دے مطابق 10ڈینھ دے اندر اندر اپنڑے انتخابی خرچے دی تفصیل جمع کرویسن جیں دے بعد انہاں دی کامیابی دے نوٹیفکیشن جاری کیتے ویسن ۔الیکشن کمیشن ولوں انتخابی قانون 2017 دے تحت امیدواراں سانگے انتخابی خرچے سانگے باقاعدہ انجھ کاﺅنٹر قائم کرنڑ دی شرط رکھی گی ہئی ۔ہنڑ کامیاب امیدواراں ولوں انہاں اکاﺅنٹس تے خرچے دی تصدیق شدہ تفصیل ڈتی ونجنڑیں اے ۔قواعد دی رو نال پولنگ دے بعد 14ڈینھ دے اندر اندر امیدواراں دی کامیابی دا نوٹیفکیشن جاری کرنڑ لازمی اے جڈاں جو 21ڈینھ دے اندر اندر قومی اسمبلی دا پہلا اجلاس سڈنڑ قانونی شرط اے
