اسلام آباد ۔ 2 جولائی (اے پی پی) نگران وفاقی وزیر برائے انسانی حقوق امور کشمیر و گلگت بلتستان روشن خورشید بروچہ ملکی ترقی کیتے جمہوریت کوں اہم قرارڈیندے ہوئیں آکھیے جونگران حکومت ویلھے تے انتخابات کراونڑ دی کوشش کریندی پئی اے۔ سابق سفیر مرحوم جمشید مارکرکوں خراج عقیدت پیش کرنڑ دی تقریب توں بعد اے پی پی نال الویندے ہوئیں انہاں آکھیے جو اساں 25 جولائی کوں عام انتخابات دے انتظامات کیتے مخلصانہ کوششاں کریندے پئے ہیں اتے عام انتخابات چنگے طریقے نال کراونڑ اچ کوئی رکاوٹ کائنی۔انہاں آکھیے جو جمہوریت دے تسلسل اتے ویلھے تے انتخابات نال پوری دنیا اچ ملک دا مثبت تشخص ودھسی۔
