نیویارک ۔20 جولائی(اے پی پی)پاکستان آکھیے جوعالمی سطح تے کافی فنڈز تے ضروری وسائل متحرک کرنڑ اچ ناکامی نال پائیدار ترقی دے اہداف اچ کجھ تے عمل در آمد اچ پیش رفت تھی اے جڈاں جو پاکستان سارے اہداف تے مساوی توجہ ڈیونڑ کوں یقینی بنڑاونڑ دا مطالبہ وی کیتے ۔اقوام متحدہ اچ پاکستان دی سفیر ملیحہ لودھی عالمی ادارے دی اکنامک اینڈ سوشل کونسل ( ای سی او ایس او سی ) اچ اعلی سطحی سیاسی فورم اچ ڈسایا جو ہنڑ دنیا اچ براہ راست غیر ملکی سرمایہ کاری اچ گھٹکی تھی اے تے گزریل سال وی براہ راست غیر ملکی سرمایہ کاری اچ23 فی صد گھٹکی تھی اے۔ انہاں اقوام متحدہ دے ترقیاتی ایجنڈا برائے 2030 سانگے رقماں دی فراہمی دے سلسلے اچ اعلی سطحی اجلاس طلب کرنڑتے سیکرٹری جنرل انتو نیو گوئیترش دے اعلا ن دا خیر مقدم کیتا ۔ اپنڑے خطاب اچ ملیحہ لودھی سارے پالیسی سازاں تے زور ڈتا جو او ایں گال کوں ہر صورت اچ یقینی بنڑاون جو سارے ترقیاتی اہداف تے ہکو جہی توجہ ڈتی ونجے ۔
