اسلام آباد ۔ 3 جولائی (اے پی پی) صدر مملکت ممنون حسین آکھیے جو قبائلی علاقیاں اچ ملنڑ آلی معدنیات توں فیدہ چاونڑ کیتے مقامی نمائندیاں کوں کردار ادا کرنڑان چاہیدے،ایں سانگے حکومت ہر ممکن وسائل لیسی اتے قبائلیاں دا پورا ہتھ ونڈیسی۔ اے گال انہاں سابق پارلیمانی سیکرٹری محمد نذیر خان دی سربراہی اچ قبائلی وفدنال ایوان صدر اسلام آباد اچ ہک ملاقات ویلھے آکھی۔انہاں آکھیے جو قبائلی علاقیان اچ ملنڑ آلیان معدنیات توں فیدہ چاونڑ کیتے موثر حکمت عملی دی لوڑھ اے تاں جو قومی وسائل توں تھیونڑ آلی آمدنی نال عوام دا معیار زندگی چنگاں کیتا ونج سگے۔انہاں امید کیتی جو کرم تنگی دی تعمیر نال علاقے اچ ترقی دی رفتار تیزتھیسی۔
