قومی اتے صوبائی اسمبلی دے کئی حلقیں اچ ووٹاں دی ولا گنتی جاری

اسلام آباد ۔29 جولائی(اے پی پی)عام انتخابات تھیونڑ دے بعد قومی تے صوبائی اسمبلیاں دے کئی حلقیں دے ووٹاں دی ولا گنتی جاری اے ،این اے 13مانسہرہ، این اے 100چنیوٹ،این اے 108فیصل آباد، این اے 114جھنگ ، این اے129لاہور سمیت بئے حلقے شامل ہن ۔تفصیل دے مطابق عام انتخابات دے غیر سرکاری غیر حتمی نتیجے دے بعد کئی حلقیں اچ امیدواراں ولوں ووٹاں دی ولا گنتی دیاں درخواستاں ڈتیاں گن جتھاں ہفتے توں گنتی دا عمل جاری اے ۔این اے 13مانسہرہ توںآزاد امیدوار صالح محمد کامیاب تھے ہن اتھاں مسلم لیگ(ن) دے امیدوار شاہجہان یوسف ولا گنتی دی درخواست ڈتی ہئی جیں تے گنتی جاری اے ، این اے 100چنیوٹ توں مسلم لیگ(ن) دے امیدوار قیصر احمد شیخ کامیاب تھے ہن جتھاں پی ٹی آئی دے امیدوار ذوالفقار شاہ ولا گنتی دی درخواست ڈتی ہئی اتھاں گنتی جاری اے ،این اے 108فیصل آباد توں تحریک انصاف دے امیدوار فرخ حبیب کامیاب تھن جتھاں مسلم لیگ(ن) دے امیدوار عابد شیر علی ولا گنتی دی درخواست ڈتی جتھاں گنتی جاری اے ، این اے 114جھنگ اچ تحریک انصاف دے امیدوار کامیاب تھن اتھوں پی پی دے امیدوار فیصل صالح حیات دی درخواست تے ولا گنتی جاری اے، این اے129لاہور توں سپیکر قومی اسمبلی سردار ایاز صادق کامیاب تھن جتھاں پی ٹی آئی دے امیدوار علیم خان دی درخواست تے گنتی جاری اے۔ این اے 131اچ مسترد شدہ ووٹاں دی ولا گنتی کیتی گی جتھوں عمران خان دی کامیابی برقرا رہی جڈاں جو این اے 73سیالکوٹ اچ وی مسترد ووٹاں دی ولا گنتی تھی تاں جو اتھاں خواجہ آصف کامیاب رہے ایں طرح این اے 33ہنگواچ وی ووٹاں دی دوبارہ گنتی دی درخواست کیتی گی تے پی ٹی آئی دے خیال زمان کامیاب رہ گن۔ این اے 57مری اچ ووٹاں دی ولا گنتی دی شاہد خاقان عباسی دی درخواست مسترد تھی گی ۔ این اے 249کراچی اچ ولا گنتی دی شہباز شریف دی درخواست وی منظور نہ تھی سگی۔ایندے علاوہ صوبائی اسمبلی دے کئی حلقیں اچ ولا ووٹاں دی گنتی دا عمل جاری اے ۔