قومی ترقی دا منڈھ مضبوط کرنڑ کیتے تربیت یافتہ افرادی قوت ناگزیر اے ، صدر مملکت ممنون حسین

اسلام آباد ۔ 6 جولائی (اے پی پی) صدرِ مملکت ممنون حسین آکھیے جو قومی ترقی دا منڈھ بدھنڑکیتے تربیت یافتہ افرادی قوت ضروری اے،ایں سانگے قومی کمیشن برائے انسانی ترقی بہوں چنگاں کردار ادا کیتے۔انہان اے گالھ نیشنل کمیشن فار ہیومن ڈویلپمنٹ دی سالانہ رپورٹ پیش کرنڑویلھے آکھی جیہڑی نگران وفاقی تعلیم و پیشہ وارانہ تربیت محمد یوسف شیخ اتے کمیشن دی چیئرپرسن رزینہ عالم پیش کیتی۔صدر مملکت آکھیے جو ترقی کیتے ساڈی منزل بہوں وڈی اے،بھل وسائل اچ کمی منزل دے حصول اچ ہک ودی رکاوٹ اے اتے ایندے تے بہوں توجہ ڈتی ویندی پئی اے۔صدرِ مملکت آکھیا جو دیہاتی علاقیاں اچ گھوسٹ سکول دا رجحان تشویشناک اے جیہڑا مکاونڑ کیتے جامع حکمت عملی دی لوڑھ اے، ایں سانگے وفاقی وزیر تعلیم معیاری تعلیم سانگے چنگی پالیسی بنڑاون۔