قومی خزانہ ترقیاتی منصوبیں تے صرف کرنڑ نال قومی اثاثیں اچ ودھارا تھیسی، قائم مقام صدر محمد صادق سنجرانی دی آڈیٹر جنرل نال ملاقات اچ گال مہاڑ ،آڈیٹر جنرل جاوید جہانگیر سالانہ آڈٹ رپورٹ پیش کیتی

اسلام آباد ۔ 10 جولائی (اے پی پی) آڈیٹر جنرل آف پاکستان پارلیمنٹ ہاﺅس اچ قائم مقام صدر پاکستان محمد صادق سنجرانی نال ملاقات دے دوران انہاں کوں سالانہ آڈٹ رپورٹ پیش کیتی ۔ قائم مقام صدر آڈیٹر جنرل آف پاکستان جاوید جہانگیر اتے انہاں دی ٹیم دی کارکرگی دی تعریف کریندے ہوئیں آکھیا جو جیں طرح آڈیٹر جنرل آف پاکستان دی ٹیم کرپشن دے خاتمے تے معاملات اچ شفافیت گھن آونڑ سانگے اقدامات کریندی پئی ہے او قابل تعریف اے ۔انہاں ایں امید دا اظہار وی کیتا جو انہاں اقدامات پاروں کرپشن دا نہ صرف خاتمہ تھیسی بلکہ ملک کوں ارباں روپے دے ضیان توں چھٹکارا مل ویسی تے قومی خزانہ ترقیاتی منصوبیں تے صرف کرنڑ نال قومی اثاثیں اچ ودھارا تھیسی ۔ جاوید جہانگیر قائمقام صدر کوں ڈسایا جو موجودہ مالی سال اچ ادارے 106 ارب روپے ریکور کیتن تے قائم مقام صدر کوں یقین ڈیوایا گیا جو مالی معاملات تے منصوبہ جات دامزید تفصیل نال جائز ہ گھدا ویسی تے معاملات اچ ودھ توں ودھ شفافیت لاتی ویسی تے اداریں کوں صحیح سمت اچ متحرک کیتا ویسی ۔