مستونگ۔13جولائی(اے پی پی)مستونگ دے علاقے درینگڑھ اچ خودکش بم دھماکے اچ بلوچستان عوامی پارٹی دے نامزد امیدوارسراج رئیسانی سمیت 27 افراد جاں بحق جڈانجو 35 توں ودھ زخمی تھی گئے ۔ زخمیاںکوں نواب غوث بخش ہسپتال مستونگ اتے سی ایم ایچ منتقل کیتا گئے ۔ ڈپٹی کمشنرمستونگ قائم خان لاشاری دے مطابق جمعہ کوں بلوچستان عوامی پارٹی پی بی 35 دے نامزد امیدوارمیرسراج رئیسانی انتخابی جلسے دے سلسلے اچ آپنڑیں آبائی علاقے کانک درینگڑھ اچ خطاب کیتے اسٹیج اُتے آئے تاںاتھاں پہلے توں موجود خودکش حملہ آور آپ کوں دھماکے نال اڈا ڈتا، جیندے نتیجے اچ میرسراج رئیسانی شدید زخمی تھی گئے جنہاں کوں سی ایم ایچ ہسپتال منتقل کرڈتا گیا ، جتھاں زخماں پاروں او شہید تھی گئے ، دھماکے اچ 27 افراد جاں بحق جڈانجو 35 توں ودھ زخمی تھی گئے ۔ پولیس اتے سیکورٹی فورسز علاقے کوںگھیرے اچ گھن گھدا۔ زخمیاں کوں طبی امدادڈتی ویندی پئی ہے جڈاں ایں بارے میرسراج رئیسانی دے بھرا نوابزادہ لشکری رئیسانی نال رابطہ کیتا گیاتاں انہاںمیرسراج دی شہادت دی تصدیق کرڈتی ۔
