ملک اچ بروقت‘پرامن تے کامیاب انتخابات دے انعقاد تے پوری قوم کو مبارخ باد ‘ حتمی طور تے الیکشن2018 اچ جت پاکستان دی عوام دی تھی اے ‘کامیاب امیدواراں دے نوٹیفکیشن جاری کرنڑ دے بعد قومی اتے صوبائی اسمبلی دے اجلاس سڈیے ویسن ،وزیر اعظم اتے وزراءاعلی دے انتخاب دے بعد نگران حکومتاں سبکدوش تھی ویسن وفاقی وزیر اطلاعات و نشریات بیرسٹر سید علی ظفر دا آندی حکمت عملی دے حوالے نال بیان

اسلام آباد ۔ 28جولائی (اے پی پی) نگران وفاقی وزیر اطلاعات‘نشریات‘ قومی تاریخ تے ادبی ورثہ بیرسٹر سید علی ظفر پورے ملک اچ بروقت‘پرامن اتے کامیاب انتخابات دے انعقاد تے پوری قوم کوں مبارخ ڈیندے ہوئیں آکھیے جو حتمی طور تے الیکشن2018 اچ جت پاکستان دی عوام دی تھی اے ‘الیکشن کمیشن ولوں کامیاب امیدواراں دے نوٹیفکیشن جاری کرنڑ دے وختی بعد قومی اتے صوبائی اسمبلی دے اجلاس سڈیے ویسن ‘وزیر اعظم اتے وزاءاعلی دے انتخاب دے بعد نگران حکومتاں سبکدوش تھی ویسن ‘او لوک جیرھے جو الیکشن توں پہلے دھاندلی دی گال کریندے پے ہن انہاں کوں وی پاکستان دے عوام اپنڑے ووٹ دے ذریعے جواب ڈتے ،ہنڑ عوام دے ایں فیصلے دے تحت وفاق چارے صوبیں اچ منتخب حکومتاں بنڑاونڑ دا عمل شروع تھیسی ،اے حکومتاں ہر پاکستانی شہری دی نمائندگی کریسن کیوں جو الیکشن دے بعد حکومتاں ساریں دیاں ہن ،تریمت دی گھٹ شرکت پاروں ضلع دیر دے ہک حلقے اچ ولا الیکشن تھیونڑ تریمتاں سانگے انتخابی عمل اچ شرکت کوں یقینی بنڑاونڑاں ہے ۔ہفتے کوں جاری بیان اچ وفاقی وزیر اطلاعات و نشریات بیرسٹر سید علی ظفر آکھیا جو پاکستانی قو م کوں نگران وزیراعظم اتے انہاں دی کابینہ ولوں پورے ملک اچ کامیاب ، صاف، شفاف اتے وختی انتخابات دے انعقاد تے مبارخ ڈیندوں،انہاں آکھیا ایں طرح سارے منتخب نمائندیں کوں مبارکباد اتے خراج تحسین پیش کریندوں‘ ہنڑ ملک دا مستقبل اتے ترقی انہاں دے ہتھ اچ ہے ۔انہاں آکھیا ایندے اچ کوئی شک کائنی جو 25جولائی 2018 دا الیکشن ملکی تاریخ دا ساریں توں اہم ترین الیکشن ہئی ۔جیں اچ عوام اپنڑے ووٹ دا حق استعمال کریندے ہوئیں بہوں سارے معاملات تے اپنڑاں فیصلہ ڈتا ۔انہاں آکھیا ایں الیکشن اچ بہوں ساریاں چیزاں سامنڑے آیاں ہن جیں اچ تریمتیں دی بھر پور شرکت قابل ذکر ہے۔انہاں آکھیا جو ملک اچ الیکشن مجموعی طور تے پرامن ماحول اچ تھیا تے پوری قوم ایں قومی فرض دی ادائیگی اچ ودھ چڑھ تے حصہ گھدا۔انہاں آکھیا جو پشاور، مستونگ، ڈی آئی خان اتے کوئٹہ اچ جیرھی دہشت گردی دے واقعات تھن ایندا پوری قوم کوں ڈکھ اے ۔اساں ایندی مذمت کریندوں ۔ اللہ دا شکر ہے جو دہشت گرد اساڈی قوم دے جمہوری عزم کو ںکمزور نہ کر سگیے۔ شفاف اتے پر امن انتخابات دی اچ سول انتظامیہ، پولیس، ایف سی،قانون نافذ کرنڑ آلے ادارے افواج پاکستان دا اہم کردار رہیا ،انہاں کوں وی خراج تحسین پیش کریندوں ۔انہاں آکھیا حکومت دی تشکیل آئین اتے قانون اچ وضع کیتے گے طریقہ کار دے تحت تھی اے جیں اچ ساریں توں پہلے انتخابا ت دے نتیجے کوں مکمل کیتا ویسی ،ولا سرکاری نوٹیفکیشن جاری کیتے ویسن ایندے بعد قومی اتے صوبائی اسمبلیاں دے اجلاس سڈیے ویسن ، سپیکرز، ڈپٹی سپیکر زدے انتخابات دے بعد وزیراعظم اتے وزیر اعلیٰ دا انتخاب تھیسی۔ اتے ہوں ڈینھ ہی نگران حکومت اپنڑے فرائض توں سبکدوش تھی ویسی ۔